Die Sol Plaatje-munisipaliteit is bekommerd oor die moontlikheid dat die stad gesluit kan word op versoek van die Kimberley Aksiegroep (KAG) wat optree uit toenemende frustrasie oor swak dienslewering. Hulle eis ook die onmiddellike bedanking van Dipuo Peters, speaker en raadslid, asook die ontbinding van die raad.

Die KAG het alle ondernemings, werkers en inwoners versoek om aan die vreedsame protes deel te neem en dringende hervorming in die werking van die Sol Plaatje-munisipaliteit te eis. Inwoners is al lank ontevrede en voel hul bekommernisse word net ignoreer.

“Ons is keelvol vir korrupsie, die hoë werkloosheidsyfer, onbekostigbare tariewe en die gebrek aan dringendheid onder diegene in beheer. Hierdie aksie gaan nie oor politiek nie – dit gaan oor oorlewing. Ons menswaardigheid word elke dag aangetas terwyl die stad vernietig word,” sê Kagiso Makodi.

Isaac Ruiters, waarnemende uitvoerende burgemeester, het op die toenemende spanning gereageer deur KAG te beskuldig van die wanvoorstelling van feite oor Peters se parlementêre sanksie in 2023 en haar daaropvolgende skorsing deur pres. Cyril Ramaphosa in Maart 2024.

Volgens Ruiters strek die KAG se oproep tot stilstand verder as dienslewering en bestuurskwessies en verwys na die groep se eis van ’n permanente verbod op Peters om ’n openbare amp te beklee. Ruiters sê hierdie interpretasie wat deur Boyce Makodi, groepleier, aangebied word, is misleidend en volg na Peters se vorige ampstermyn as minister van vervoer van 2013 tot 2017.

“Daar is ’n openbare rekord as ’n saak van feite en ons moet vermy om onverskillig te wees in die interpretasie daarvan. Verdere duidelikheid moet van die parlement gesoek word.”  

Hy het veroordeel wat hy pogings noem om die raad te destabiliseer deur die speaker uit te sonder en waarsku teen die verspreiding van waninligting. “Die raad word demokraties verkies en die ontbinding daarvan kan nie ligtelik geëis word nie. Die speaker se ampstermyn kan slegs bepaal word deur die politieke party wat sy verteenwoordig en die raad,” sê hy.

Stilstand is vir toekoms van Kimberley

“Daar is geen ineenstorting in bestuur nie en die raad vervul sy pligte. Daar is nie bevind dat dit die Grondwet, die Wet op Munisipale Strukture of die Wet op Munisipale Stelsels oortree het nie.

Ruiters kritiseer wat hy beskryf as politieke posering, veral die voorstel vir ’n medebestuursmodel wat parallelle strukture sou vestig om toesig te hou oor die munisipaliteit. “Sulke voorstelle ondermyn die raad se demokratiese mandaat.”  

“Ons glo in ’n oopdeurbeleid en is altyd gereed om enige burgerlike struktuur, amptelik of nie-amptelik, te betrek,” sê hy.

Dipuo Peters. Foto Wikipedia

Volgens die verklaring het verskeie vergaderings reeds tussen die munisipaliteit en KAG plaasgevind. Ruiters het ook die administrasie se betrokkenheid by regstreekse gemeenskapsradiodebatte genoem en bevestig dat die munisipaliteit die geleentheid gegun is om ’n openbare reaksie te lewer.

Wat bewerings van korrupsie en wanadministrasie betref, sê Ruiters die munisipaliteit verwerp nie sulke bekommernisse nie, maar dring daarop aan dat dit aan wetstoepassing en toepaslike toesighoudende liggame gerapporteer moet word. “Waar daar bewyse is, sal ons vinnig optree.”  

Hy het ook die bewerings van nepotisme, onbevoegdheid, swak dienslewering en onbekostigbare tariewe wat deur KAG geopper is, aangespreek en opgemerk dat hierdie sake ernstig opgeneem word. “Die raad het onlangs ’n nuwe begroting aanvaar ná oorlegpleging met inwoners in ’n wyksgebaseerde openbare deelnameproses.”  

OFM Nuus dg