Konst. Gift Mncedi Ntes (33) en konst. Seipati Mofokeng (39) het Vrydag (1/8) in die Vereeniging-landdroshof op aanklagte van van ontvoering, korrupsie en regsverydeling verskyn. Hulle is op borgtog van R1 000 elk vrygelaat, sê ao. Thatohatsi Mavimbela, Valkewoordvoerder.

“Die beamptes het na bewering ’n Chinese burger by die Sharpeville-polisiekantoor aangehou en ’n losprys van R3 000 van die slagoffer se familie geëis om sy vrylating te verseker.”

Volgens die justisie, misdaadvoorkoming en sekuriteitsgroep (JCPS) het ’n senior polisiebeampte die Valke se Vaalrand-gebaseerde ernstige korrupsieondersoekeenheid oor die voorval in kennis gestel.

“ ’n Ondersoek is onmiddellik van stapel gestuur en magtiging is van die direktoraat van openbare Vervolging in Pretoria verkry om die transaksie te monitor,” lui JCPS se verklaring.

[COPS IN COURT FOR ALLEGED KIDNAPPING, CORRUPTION AND DEFEATING THE ENDS OF JUSTICE]

Two Sharpeville SAPS members, Constable Gift Mncedi Nteso and Reservist/Constable Seipati Mofokeng, appeared in Vereeniging Magistrate’s Court following allegations involving the unlawful… pic.twitter.com/QJX1D5FysS

— Justice, Crime Prevention and Security (@CrimeWatch_RSA) August 1, 2025

Mavimbela sê voordat die beamptes die volle bedrag kon invorder, is die Valke in kennis gestel dat R1 000 reeds betaal is en die slagoffer vrygelaat is.

“Hulle het na bewering die Chinese burger vrygelaat sonder om enige formele rekord van sy inhegtenisneming by die polisiekantoor aan te teken.” 

Die verdagtes is Dinsdag (29/7) deur ’n ondersoekspan by die die Sharpeville-polisiekantoor in hegtenis geneem.

“Hulle kon nie redes verskaf waarom hy aangehou en vrygelaat is sonder behoorlike dokumentasie nie.”  

OFM Nuus dg