Central SA
Hier begin jou toekoms: UV Opedag vir Graad 10 & 11-leerders─── 10:33 Wed, 13 Aug 2025
Sponsored10:33 Wed, 13 Aug 2025
Het jy al gedink aan watter studierigting by jou pas? Die Universiteit van die Vrystaat gee jou die kans om dit uit te vind tydens ons spesiale opedag vir graad 10- en 11-leerders.
Ná die groot sukses van ons graad 12-opedag vroeër vanjaar, wil Kovsies jou aanmoedig om vroeg te begin dink oor jou toekoms. Op Saterdag, 16 Augustus 2025, kan jy van 09:00 tot 14:00 by die Callie Human-kompleks op die Bloemfontein-kampus al sewe ons fakulteite verken – van Gesondheidswetenskappe en Regte tot Natuur- en Landbouwetenskappe, Ekonomiese en Bestuurswetenskappe, Opvoedkunde, Teologie en Geestes- en Sosiale Wetenskappe.
Daar is iets vir almal: opwindende studierigtinguitstallings, sport- en kultuuraktiwiteite, plus nuttige wenke oor beurse en toelating. Gesels met dosente en huidige studente en kry ’n regte gevoel van kampuslewe.
Bring jou vriende en familie saam en ontdek waarom by Kovsies ons sê: “Hier begin jou toekoms!” mvh
