Dalk is dit nodig dat daar meer as een broek in die huis gedra word, afhangende van watter sterk punte elke maat in die verhouding het.

Madeleen Steenkamp kom gee vir ons raad in ’n lekker Truth Thursday-praatjie met Pulane Nel-Sekepe.

Die tradisionele konsep rondom hierdie sê-ding is dat die man die broek moet dra in die huis. Maar in vandag se lewe is dit nodig vir ’n paartjie om te sit, dit te bespreek en te beplan. 

’n Verhouding of huishouding is basies soos ’n besigheid wat bestuur moet word. Daar kan meer as een bestuurder wees, want daar is verskillende afdelings in mense se lewe en ’n verhouding wat bestuur moet word. Dit maak tog dan net sin dat die een wat ’n sterk punt op daardie gebied het, moet leiding neem.

Finansies, kosmaak, kinders of keuses oor of mens moet verhuis na ’n ander dorp.

Maar tog, daar kan nie twee leiers wees wat kop stamp nie. Al het elkeen sy afdeling wat bestuur word, wys die geskiedenis tog dat dit voordelig is dat die man sy plek inneem as leier in die huis, mits hy dit verdien en dit met liefde, grasie en leier-eienskappe kan behartig.