As jy baie van een soort kos hou, soos hoender, kan jy nie aldag, heeldag lank net hoender eet nie. Jou liggaam benodig soveel meer as net dit. Verskillende voedingstowwe – minerale en vitamines – kom voor in verskillende soorte kos en kosgroepe. Daarom is dit noodsaaklik om ’n verskeidenheid van kos te eet.
Will verduidelik om die prentjie vir iemand te wys van ’n hoe gebalanseerde bord kos lyk, is ’n maklike en vinnige manier om dit onder iemand se aandag te bring dat ’n verskeidenheid kos benodig word. Hy beklemtoon egter dat daar nie een resep is vir almal nie. Elke persoon se liggaam verskil en die hoeveelheid van wat presies benodig word, kan bepaal word met die hulp van ’n dieetkundige.