National
Ma en seun aan Wes-Rand in huis vermoor─── 15:20 Tue, 06 Aug 2013
Azaadville - 'n Sestigjarige vrou en haar 35-jarige seun is dood in hul huis in die Wes-Rand aangetref.
Gautengse polisiewoordvoerder, Solomon Sibiya sê die voorval het in Azaadville plaasgevind. Dit lyk of dit 'n huisbraak was, want die hele huis is geplunder.
Albei slagoffers is verwurg, te oordeel aan die merke aan hul nek. Sibiya sê die polisie is steeds besig om te bepaal wat alles uit die huis gesteel is.
Volgens Sibiya is die polisie op soek na die huishulp wat intussen vermis geraak het. Die huishulp, 'n vrou van Malawi, se paspoort, selfoon en ander besittings is steeds in haar kamer.
Maroela Media
