Agriculture
Karoo Winter Wolfees is oor saamwees en sukses─── ELSABÉ DE JAGER 10:57 Tue, 04 Jul 2023
Die tweede Karoo Winter Wolfees was ’n suksesvolle geleentheid vol warmte.
Van 22 tot 25 Junie het boere en belangstellendes op Middelburg in die Oos-Kaap saamgetrek en deelgeneem aan ’n wolbaalkompetisie, kunsveilings asook verskeie wolkursusse.
Die tweede Karoo Winter Wolfees op Middelburg/OVK (Facebook).
OVK Bemarkings- en kommunikasiebestuurder Christelle Basson sê dit gebeur selde dat ’n fees op ’n spesifieke industrie fokus. Die gemeenskap van hierdie Karoostreek het besluit om wol, wat die spil is waarom hul boerderye draai, te vier.
Die fees het alle verwagtinge oortref en was selfs groter as dié van verlede jaar.
Die tweede Karoo Winter Wolfees op Middelburg/OVK (Facebook).
Dit was vir die OVK belangrik om nie slegs geldelik nie, maar ook op sosiale gebied by te dra tot die aard en sukses van die fees.
