On Now
Weekdays 00:00 - 05:00
Early Mornings Oscar
NEXT: 05:00 - 06:00 The Agri Hour with Gerben
Listen Live Streams

Agriculture

Wolpryse effens laer

───   11:34 Thu, 01 Feb 2024

Wolpryse effens laer  | News Article
Foto: Getty Images

Wolpryse is effens laer hierdie week.

Op die 19de veiling van die 2023/24-verkoopseisoen het die Cape Wools Merino aanwyser met 2% gedaal vir nie-RWS wol en met 2.2% vir RWS wol, teenoor die vorige veiling en teen 'n skoonprys van onderskeidelik R151,07/kg en R172,67/kg.

Op die OVK-veiling is 4 080 bale aangebied, waarvan 98,58% verkoop is. Die hoogste prys op die OVK-veiling, van R200/kg (skoon prys: R269,72/kg), is behaal vir ‘n 1 baal lot CH van 15,5 mikron uit die skeersel van PWB Uys Boerdery, vanuit die Volksrust-distrik. Die koper was Standard Wools SA.

Op die BKB-veiling was die gemiddelde skoonwol-markaanwyser vir goeie kwaliteit lang vagwol (MF4/MF5), met ‘n treksterkte van 35 NKT, -2,2% minder op R172,67/kg.
Die grootste kopers op die veiling was: Modiano SA, Standard Wools SA, en Tiany SA. Van die 7 749 bale wat aangebied is, is 7 341 bale verkoop (95%). Die hoogste pryse van verkoopte wol op die BKB-veiling was van Lindesfarne boerdery op Barkly-Oos, wat R200/kg vir 15,8 mikron behaal het.

Die volgende veiling is op 7 Februarie 2024.

OFM Agri cg

@ 2024 OFM - All rights reserved Disclaimer | Privacy Policy | We Use Cookies - OFM is a division of Central Media Group (PTY) LTD.