World News
SAL hervat vlugte na Mosambiek─── 16:39 Thu, 02 Sep 2010
Die Suid-Afrikaanse Lugdiens het sy vlugte na Maputo in Mosambiek hervat nadat dit gister weens onrus in die stad gekanselleer is. Mense het betoog oor die stygende kos-, elektrisiteits- en waterpryse. Die woordvoerder vir SAL, Fani Zulu, sê die lugredery se vlugte is gekanselleer omdat bemanningspersoneel nie by die Maputo Lughawe kon uitkom nie. Suid-Afrika het ook sy ambassade heropen. Intussen is die situasie in die gebied kalm, maar gespanne veral in die nabygeleë arm woongebied, Matola. Winkels en vulstasies in Maputo is steeds gesluit en daar is 'n streng polisie-teenwoordigheid.
SABC
