Van 27 Februarie tot 1 Maart 2025 is dit weer tyd vir Fees met Gees op Reitz! Die VKB Bieliemieliefees het vanjaar 'n aksiebelaaide program vir die hele gesin!

Vanjaar is daar weer topkunstenaars wat optree: Chris Steyn, Ivan Roux, Herman Kleynhans, Dozi, Brendan Pyper, Jan Rhaap, Radio Kalahari Orkes, Robbie Wessels, Ruhan Du Toit, Riaan Benade en BlackByrd. Kry die program hier.

‘n Volle spektrum kompetisies: Potjiekos, slaglam, sterkman, woldra boeresport, vasvrae, bulletjie-rugby en netbal, bergfietsry, gholf, marathon en meer. Kom neem deel om in aanraking te kom vir die wonderlike pryse.

Sterkmankompetisie: Op 1 Maart by die Nashua Arena vanaf 15:00 sal deelnemers vir R5 000 aan kontantpryse meeding. Oop vir mans en vroue. Vir meer inligting, kontak Kallie by 060 686 6373.

Standard Bank Bergfietswedren: Gebeur op 1 Maart by die Reitz-skougronde. Kies tussen 22 km, 44 km, of 89 km roetes. Ongelooflike kontantpryse is op die spel. Registreer aanlyn by cyclingsa.com.

Vir die kleinspan: Benewens vertonings deur perde en honde is daar ook ‘n “petting zoo”, kameelry, pretpark  

Landbou-uitstallings: Ontdek die nuutste boerderytoerusting en die nuutste tegnologie. Boere kry ook die geleentheid om te spog met hul heel beste vee in die kudde- en slaglamkompetisie, die beesuitstalling en die ramveiling.

Stalletjies: Van die kuiertent tot die kosstalletjies, die interessante stalletjies waar van hommeltuie tot kamoefleerserpe, parfuum en fudge gekoop kan word.

Kaartjies is beskikbaar by VKB Bethlehem DIY en VKB Reitz Handel, of by die hekke. Vir die program, besoek bieliemielie.co.za.

OFM is op die volgende dae en tye by die fees – kom kuier saam:

• 27 Februarie – Pop Up Radio 12:00 - 16:00
• 28 Februarie Buite-uitsending 09:00 - 12:00; Buite-uitsending 12:00 - 15:00
• 1 Maart – Pop Up Radio 07:00 - 13:00; Buite-uitsending 06:00 - 09:00

Jy kan ook al jou gunsteling OFM CLOSET items, insluitend sokkies, T-hemde en Bakkie Arms, by ons opwipwinkel koop, elke dag van die fees.

Moenie dit misloop nie – sien jou daar! OFM is 'n trotse mediavennoot van die VKB Bieliemieliefees.