Van 12 tot 15 Mei 2026 verander NAMPO Park buite Bothaville weer in die hartklop van Suid-Afrikaanse landbou – met die tema: “Veerkragtigheid deur innovasie!” – ‘n fokus op aanpassing, doeltreffendheid en praktiese oplossings in ‘n uitdagende Landbou-omgewing.

Van die jongste tegnologie en gevorderde masjinerie tot praktiese demonstrasies en vars idees – NAMPO is waar boere, bedryf en besigheid bymekaarkom om vorentoe te beweeg.

Verwag meer as 900 uitstallers, klimaatslim oplossings, digitale hulpmiddels en internasionale insigte wat plaaslik werk.

Die Graan SA en NAMPO-bestuur het die ernstige maar noodsaaklike besluit geneem om alle gesplete hoefdiere van NAMPO Oesdag 2026 uit te sluit weens die groeiende bedreiging van bek-en-klouseer, wat nader aan belangrike landboustreke versprei het. Besoekers kan wel uitsien na innoverende en interaktiewe uitstallings, kreatiewe rasuitstallings, opvoedkundige insigte oor siektevoorkoming en 'n volledige program met nie-risikodiere.

Wat wag vir jou elke dag? Van vroegoggend af is daar aksie regoor die terrein:

• 08:00 – 17:00: Interaktiewe bees- en skaapuitstallings in die Yara Animal Nutrition Beeskompleks en BKB Skaapkompleks (geen gekloofde hoefdiere teenwoordig)
• 10:00 & 14:00: Standard Bank 4x4-demonstrasies langs Stalletjie H1
• 11:00 & 15:00: Adventure Track side-by-side en quad demonstrasies oorkant Stalletjie G18
• 11:00 -17:00: “Die Wingerdhuis” proe- & eetlokaal, oorkant die Avontuurbaan naby Hek 2 met wynproe en verkope van Zorgvliet; Blaauwklippen; Vergelegen; Diemersfontein; Kloovenburg en Jakkalsvlei
• 09:30 – 14:30: Santam Landbou Vroueprogram in die Rooi Rose-tent langs Shell

Spesiaal (Dinsdag):

Boerplanne-kompetisie deur Graan SA, Omnia en Landbouweekblad by Stalletjie B2.

OFM saai elke dag regstreeks uit vanaf NAMPO Park met die jongste nuus, verkeersopdaterings en al die stories wat saak maak.

Kaartjies beskikbaar by opentickets.co.za.

Kry die volledige program hier: grainsa.co.za/pages/nampo/programme

OFM is ‘n trotse mediavennoot van die grootste landbou-uitstalling in die suidelike halfrond.