Heuwels Fantasties ‘Bietjie Hoop’ Noord-Kaap Toer
Venue: Hartswater, Kimberley, Douglas26 – 28 September 2017 bring GWK en Die Heuwels Fantasties ‘Bietjie Hoop’ aan die Noord-Kaap met ’n toer na Hartswater, Kimberley en Douglas.
Die groep, wat deur GWK genader is om ’n liedjie wat spesifiek aan landbouers opgedra is te skryf, gaan nou hul wegholtreffer ‘Bietjie Hoop’ met die provinsie, waar die musiekvideo ook verfilm is, deel.
Op 26 September word The Big Breakfast uitgesaai vanaf ‘n pekanneut-plaas in die Hartswater-distrik.
Die Heuwels Fantasties tree by The Occidental Bar by die Groot Gat in Kimberley op, 26 September om 19h00.
Op 27 September kuier The Big Breakfast by GWK se handelstak in Kimberley, en op 28 September saai hulle regstreeks uit vanaf die GWK Hoofkantoor op Douglas.
