Springbokafrigter, Heyneke Meyer, sê hoewel hy tevrede is met die Bokke se oorwinning oor Skotland die afgelope naweek in Edinburgh, sy span hopeloos te veel strafskoppe afgestaan het.  Die Suid-Afrikaners het die 22ste kragmeting tussen die twee lande met 21-10 op Murrayfield gewen.  Die Bokke was rustyd 14-3 voor, maar die Skotte het gedurende die tweede helfte die Suid-Afrikaners se karakter en veggees getroef.  Meyer het sy spelers vir hul verdediging geloof, maar gesê die baie strafskoppe het die span onder druk gesit.

Die Suid-Afrikaners het intussen in Londen aangekom, waar hulle Engeland die naweek op Twickenham in die derde en laaste toets op hul jaareind-toer die stryd aansê.

Saru