Die besoek, wat vandag tot 1 April geskied, is daarop gemik om op uitdagings van staatskapasiteit in die provinsies te reageer.

Parlementêre woordvoerder, Moloto Mothapo, sê afgevaardigdes sal saam met hulle provinsiale eweknieë met munisipaliteite in gesprek tree oor ingrypings om bestuursuitdagings asook dienslewering te verbeter.

Mothapo sê in die Noord-Kaap sal die fokus op die voorsiening van veilige drinkwater en hulp aan droogtegeteisterde gemeenskappe wees.

LEES MEER: Voormalige Noord-Kaapse LUR sterf in ongeluk

Daar sal tydens die besoek ook op watervoorsieningsprojekte, damme, water retikulasie terreine sowel die dryfvere vir misdaad gefokus word.

In die Vrystaat sal die voorsiening van water- en sanitasie-infrastruktuur, asook spesiale ekonomiese sones, onder meer ondersoek word.

LEES MEER: Vrae ingedien oor miljoene aan munisipaliteit se maatskappy

Afgevaardigdes na Noordwes sal kyk na die belegging in mynbou, asook hernubare energie.

Daar bestaan verder ‘n behoefte om paaie te bou, te herstel, en in stand te hou.

OFM-nuus/Roderick Titus