Senior amptenare van Finansies, Ekonomiese Ontwikkeling en Toerisme word by die hofsaak betrek nadat die diamante spoorloos uit ’n kluis by dié akademie verdwyn het.

Die 66-jarige voormalige departementshoof by dié Noord-Kaapse departement, Patrick Seboko; die 46-jarige senior projekbestuurder, Tebogo Gaborone; die hoofdirekteur vir Handel- en Sektor-ontwikkeling, die 56-jarige Lizette Wyngaard; asook die 60-jarige hoof finansiele beampte, Kuberin Packirisamy, het Dinsdag in die Handelsmisdaadhof in die stad verskyn.

LEES OOK: Voormalige Noord-Kaapse munisipale bestuurder in hof weens bedrog

Die Nasionale Vervolgingsgesag se woordvoerder, Mojalefa Senokoatsane, sê verskeie klagte wat verband hou met die oortreding van die Wet op Openbare Finansiele Bestuur, sowel as die oortreding van die Diamantwet, asook bedrog word teen die beskuldigdes ondersoek.

Al vier beskuldigdes is tans op borgtog van R10 000 elk vrygelaat terwyl die saak na die 7de Junie vanjaar uitgestel is vir beide die verdeddiging en die staat om ‘n geskikte verhoordatum in die Hooggeregshof vas te stel.

OFM-nuus/Roderick Titus