Philippolis – die eerste nedersetting in die Vrystaat en 'n gewilde naweek- en oornagbestemming vir reisigers wat die verkeer en gejaag op Suid-Afrika se hoofweë wil ontsnap – vier in 2023 sy 200ste bestaansjaar.

Hierdie toeristebestemming is in 1823 gestig, en het van ’n sendingstasie na landboudorp gegroei.

Die feesorganiseerder, James Liddell, gesels oor die afgelope week se feesvieringe, wat Sondag eindig.

Enkele hoogtepunte van die feestelikheid sluit in wynproegeleenthede, kunsuitstallings deur kontreikunstenaars, asook musiekopvoerings. (Sien aangehegte skakel na die volledige program onderaan.)

Prof. Sethulego Matebesi, politieke ontleder en die hoof van die Departement van Sosiologie by die Universiteit van die Vrystaat, is ook teenwoordig op dié klein dorpie. Hy sê hy is veral beïndruk met die gevoel van eienaarskap wat inwoners geneem het om hul dorp se bestaan te vier en dit te verfraai.

Ben Swanepoel, die voorsitter van die plaaslike ATKV-tak, is veral opgewonde oor Saterdagoggend se ATKV Saamstap-geleentheid. Dit word elke Saterdag in Philippolis gehou, behalwe in die winter wanneer dit soms te koud is, sê Swanepoel.

 OFM Nuus/Dane Beisheim