’n Vrou se liggaam is in die Kliprivier by Olifantsvlei in die suide van Gauteng gevind.

Die liggaam is op die vierde dag van die soektog gevind nadat ’n jong man en vrou Saterdag (18/11) deur die rivier meegesleur is. Dit is deur Johannesburg se nooddienste (Aquatic Rescue Unit) uit die rivier gehaal.

@CityofJoburgEMS One body recovered at Olifantsvlei search and recovery operation this morning more details to follow @CityofJoburgZA @CoJPublicSafety #JoburgSummerSafety pic.twitter.com/fOOr9YopCS

— Cojems Spokesperson (@RobertMulaudzi) November 22, 2023

Die familie van die 18-jarige vrou moet nog die lyk identifiseer voordat hulle kan bevestig dat sy een van die twee vermiste mense is, het Robert Mulaudzi, EMS-woordvoerder, getwiet.

EMS-personeel soek ook na ’n 21-jarige man wat in dieselfde seremonie deur die rivier meegesleur is. ’n Forensiese span is na die rivier ontplooi ná die opsporing van die vrou se liggaam. 

Tradisionele leiers, pastore en die gemeenskap is sedertdien versoek om versigtig te wees wanneer rituele by die rivier uitgevoer word. Mulaudzi het inwoners ook versoek om versigtig te wees gedurende die reënseisoen, aangesien watervlakke in die meeste riviere en strome in en om Johannesburg hierdie tyd van die jaar styg.

“Ná die reën wat ons ontvang het, is watervlakke hoog en inwoners word versoek om nie rivierstrome oor te steek nie en jong kinders te monitor sodat hulle hierdie somer wegbly van rivierstrome,” sê hy.

OFM Nuus/Tshehla Koteli