Die saak teen drie verdagtes wat in verband met die Swartruggens-plaasaanval en -moord in hegtenis geneem is, is tot Woensdag uitgestel.

Die drie verdagtes het Dinsdag (18/6) hul eerste hofverskyning in die landdroshof gemaak in verband met die moord, diefstal, huisroof en ontvoering wat ’n week gelede (11/6) op ’n plaas by Swartruggens plaasgevind het.

Thabo Mosidi (35) het Dinsdag (18/6) sy eerste verskyning gemaak en Woensdag ’n tweede een vir regshulp. Sy medebeskuldigde, ’n pastoor (45), het saam met hom verskyn en is op eie verantwoordelik vrygelaat. Albei moet weer Woensdag voorkom.

‘Mosidi se meisie is ook op eie verantwoordelikheid vrygelaat’

Mosidi se meisie (30) het ook Dinsdag haar eerste verskyning gemaak nadat sy in besit van vermoedelik gesteelde items in haar huis in ’n informele nedersetting in die omgewing betrap is. Sy is ook op eie verantwoordelikheid vrygelaat.

“Die saak teen die drie verdagtes wat in hegtenis geneem is vir die moord op Elizabeth Maseloane (60), die aanranding en ontvoering van haar man (70), diefstal en huisroof is tot volgende Woensdag (26/6) uitgestel,” het North gesê. Amanda Funani, polisiewoordvoerder in Wes.

“Die pastoor is Sondag (16/6) in hegtenis geneem terwyl hy ’n kerkdiens in Mogwase gehou het en is na bewering in besit gevind van twee vuurwapens wat tydens die plaasmoord gesteel is.”

‘Die verdagtes het hom genader en na die hoofhuis gelei’

“Nog ’n verdagte is Saterdag in die vroeë oggendure in hegtenis geneem tydens ’n misdaadintelligensie-gedrewe operasie by sy huis in Rustenburg. Dit is nadat hy versuim het om rekenskap te gee van die vermoedelik gesteelde voertuig wat in sy besit gevind is. Die voertuig het aan die Swartruggens-slagoffers behoort,” het Funani gesê.

Vier verdagtes het na bewering Dinsdag ’n plaas buite Swartruggens betree en ’n vrou 60) alleen in die huis aangetref en haar vermoor.

Haar man (70) het pas op die plaas aangekom en die verdagtes het hom genader en na die hoofhuis gelei waar hulle huishoudelike items in twee bakkies gebuit het.

‘Gemiddeld 5,7 plaasaanvalle per week’

Die verdagtes het die man op een van die bakkies gelaai en hom na bewering ontvoer. Hy het ontsnap deur uit die bewegende voertuig te spring en te vlug om nabygeleë boere te waarsku, wat die polisie ontbied het.

Die jongste 2022/23-misdaadstatistieke van die polisie toon dat 296 plaasaanvalle tydens die oorsigtydperk landwyd plaasgevind het en 49 plaasmoorde, wat neerkom op 5,7 plaasaanvalle per week.

“’n Soektog na die oorblywende verdagtes is aan die gang.”

OFM Nuus/Zenande Mpame cg