Central SA
Drie mans buite Upington aangekeer vir beweerde renosterstropery─── 07:23 Sun, 07 Dec 2025
Die verdagtes sal binnekort in die landdroshof op Upington verskyn nadat ’n renosterhoring in hul besit tydens ’n padblokkade gevind is. Hulle word aangekla van renosterstropery en die besit van ’n ongelisensieerde vuurwapen en ammunisie.
Die polisie het op ’n wenk reageer dat ’n voertuig na bewering ’n renosterhoring na Upington vervoer. Die drie mans in hul 40's is Donderdag (4/12) op die N14 in hegtenis geneem.
Die voertuig is voorgekeer en deursoek, maar die mans kon nie rekenskap gee van enige van die items nie. Die polisie het ook beslag gelê op die voertuig.
Die wapen en ammunisie waarop die polisie beslag gelê het. Foto: SAPD
Genl.maj. Monica Sebili, kommissaris van die ZF Mgcawu-distriksmunisipaliteit, het die vinnige reaksie van die polisie geprys. “Dit bevestig die polisie se verbintenis om ’n veilige omgewing te skep vir alle inwoners hierdie feestyd.”
• Het jy ’n nuuswenk om te deel? Bel of whatsapp die OFM Nuus-lyn: 066 487 1427.
OFM Nuus dg
