Haar familie sê hulle is rasend van bekommernis. Alle pogings om haar te kontak misluk. Haar selfoon is ook afgeskakel sedert haar verdwyning.

Es-Marie Gates (45) het haar huis in Witpoort op 7 Desember verlaat. Haar ma, Lidia Jacobs, sê haar dogter was op pad na Pretoria, maar het nooit daar opgedaag nie.

“Sy het vir ons gesê sy was op pad na Pretoria, maar sy het nooit haar bestemming bereik nie. Sedert daardie dag het ons nie ’n enkele woord van haar gehoor nie, en haar selfoon is afgeskakel,” sê Jacobs.

Es-Marie is die ma van drie kinders, 21, 18 en 16 jaar, en het beplan om haar jongste kind vir sy 16de verjaardag te verras.

'Haar besoek was veronderstel om 'n verrassing te wees'

Nie baie klere saamgeneem

“Sy het nie vir die kinders gesê sy kom nie, want dit was veronderstel om ’n verrassing te wees,” sê Jacobs.

“My dogter was van plan om net vir ongeveer ’n week in Pretoria te bly en het sy nie baie klere ingepak nie. Dit is een van die dinge wat ons die meeste bekommer.”

Jacobs sê het haar dogter is een van ’n identiese tweeling. Hoewel sy en haar tweelingsus baie eenders lyk, is Es-Marie se hare effens langer.

Sy is laas gesien met ’n wit top, blou denimkortbroek en wit tekkies.

Geld voor verdwyning onttrek

Die familie is in kennis gestel dat Es-Marie moontlik geld by ’n bank onttrek het kort voordat sy vermis geraak het.

Haar verdwyning is by die Wolmaransstad-polisiestasie geopen, hoewel die familie steeds wag om ’n saaknommer te ontvang.

“Ons smeek enigiemand wat my kind gesien het of weet waar sy is, om ons asseblief te kontak. Selfs die kleinste stukkie inligting kan help,” sê Jacobs.

Enigiemand met inligting wat kan help om Es-Marie op te spoor, word versoek om die familie te kontak by 082 705 6177 of 063 692 6861, of dit by die naaste polisiestasie aan te meld.

• Het jy ’n nuuswenk om te deel? Bel of whatsapp die OFM Nuus-lyn: 066 487 1427

OFM Nuus/Charne van der Merwe