Die party het ‘n skrywe aan die LUR vir Landbou in Limpopo, Nandi Ndalan, gerig en ‘n dringende vergadering gevra om die uitbreking in die provinsie te bespreek en oplossings te vind.

Indien veilings in die provinsie as voorkomende maatreël afgeskaf word, sal dit ‘n baie negatiewe impak op die landbousektor hê.

VF Plus se Marcelle Maritz sê die departement moet so gou as moontlik gebiede in die provinsie identifiseer waarbinne veilings steeds kan plaasvind, om sodoende te verseker dat die boere en die ekonomie van die provinsie nie finaal geknak word nie.

Maritz sê hulle sal boere langs die grens van die Nasionale Kruger-wildtuin besoek om heinings na te gaan, wat dan herstel moet word om die verdere verspreiding van die virussiekte te voorkom.

OFM-nuus/Blaine Jones