Die DBV is steeds hard aan die werk in Jagersfontein in ’n poging om al die diere wat na die slikdam-ramp vasgekeer is te red.

Reinette Meyer, Hoofinspekteur vir die DBV in Bloemfontein, sê benewens die 568 diere wat hulle sedert Sondag gered het, het hulle net gister 'n bykomende 30 plus diere gered.

Intussen is water en elektrisiteit na die meeste gebiede in die rampgeteisterde Jagersfontein in die Vrystaat ten volle herstel.

Volgens die Xhariep-distriksburgemeester, Irene Mehlomakhulu, is water en elektrisiteit in die meeste gebiede herstel, behalwe Charlesville en 'n gedeelte van Itumeleng, wat erg deur Sondag se modderstorting geraak is.

Mehlomakhulu sê die Departement van Water en Sanitasie het sedertdien Jojo-tenks in dié gebiede verskaf. Eskom doen ook werk aan 'n substasie wat erg deur die slyk beskadig is, om elektrisiteit na die hele Jagersfontein-gebied te herstel.

“Aanhoudende tekorte” aan opwekkingskapasiteit het Eskom genoop om met Fase 4-beurtkrag voort te gaan tot en met Sondagoggend om 05:00, het die Eskom vroeër in ’n verklaring gesê.

Dit volg nadat 'n opwekkingseenheid elk by Kriel, Majuba en Tutuka die afgelope 24 uur onklaar geraak het. Beurtkrag sal ná 05:00 Maandagoggend na Fase 3 afgegradeer word.

Die kragvoorsiener het verder gesê die week se skedule sal Sondag opgedateer word, met beurtkrag wat na verwagting in die week sal voortduur.

Inwoners van Kimberley in die Noord-Kaap kan uitsien na 'n erfenisfees wat hierdie naweek begin.

Volgens die fees se organiseerder, Matodzi Makananisa, sal die Noord-Kaapse Erfenisfees van 17 tot 24 September plaasvind.

LUISTER: