General
‘Vier CV-gapings as geleenthede vir persoonlike groei, verkenning’─── DANE BEISHEIM 09:50 Thu, 14 Sep 2023
'n Werksonderhoud kan onder die beste van omstandighede steeds 'n stresvolle en ongemaklike aangeleentheid wees. OFM Nuus se Dane Beisheim het met 'n kundige in Menslike Hulpbronne hieroor gesels.
Hoe gemaak as jy 'n gaping in jou indiensnemingsrekord het en dit tydens 'n werksonderhoud ter sprake kom?
Hierdie oënskynlik onskuldige vraag kan lei tot gevoelens van vrees, twyfel en ongemak by werksoekers.
Vir sommige is hierdie vraag nie net indringend nie, maar irrelevant in die lig van hul kwalifikasies en oorskry dit persoonlike grense.
In 'n opname wat in Maart 2022 onder 23 000 wêreldwye werknemers gedoen is, het 62% van die respondente gesê dat hulle op 'n stadium 'n breek van werk geneem het.
Talentstrateeg en Menslike Hulpbronne-kundige Anja van Beek meen jou CV weerspieël jou professionele reis.
’Die lewe is 'n reis gevul met kinkels’
“Verwag daardie vraag – wees voorbereid. As daar een vraag is waarvoor jy kan voorberei voor die onderhoud, is dit daardie vraagg. Jy kan vooraf bepaal hoe jy die vraag op 'n positiewe wyse kan beantwoord om die positiewe aspek daarvan uit te lig?
“Die lewe is 'n reis gevul met kinkels, en jy moet jou uiteenlopende ervarings met trots aanvaar."
Die eintlike rede, volgens Van Beek, waarom onderhoudvoerders sulke vrae rig, is bes moontlik as gevolg van kommer en 'n behoefte aan gerusstelling.
"In plaas daarvan om gapings as hindernisse te beskou, kan ons dit vier as geleenthede vir persoonlike groei en verkenning," sê Van Beek.
"Ons moet in 'n post-Covid wêreld 'sukses' herdefinieer soos ons die arbeidsmark navigeer, en ons moet ons CV-gapings vier as noodsaaklike komponente van ons loopbaannarratief," sluit Van Beek af.
