Inspiration
40 renosters vir hervestiging vrygelaat─── CHARNÉ VAN DER MERWE 12:55 Mon, 20 May 2024
“Suid-Afrika is die tuiste van sowat 80% van die wêreld se renosterbevolking.”
Veertig witrenosters is in Suid-Afrika vrygelaat as deel van ’n projek om 2 000 witrenosters oor die volgende dekade in hul natuurlike habitat dwarsoor Afrika te hervestig.
Die eerste 40 onthoringde renosters is aan die Munywana-bewaringsgebied in KwaZulu-Natal geskenk om die renosterbevolking ’n hupstoot te gee.
Suid-Afrika is die tuiste van sowat vier uit vyf van die wêreld se renosters. Dit is egter ook ’n stroperybrandpunt weens deur die vraag na horings in Asië, waar dit in tradisionele medisyne gebruik word.
Die renosters net nadat hulle vrygelaat is. Foto: African Parks
Die plan om 2 000 suidelike witrenosters in veilige beskermde gebiede vry te laat, sal oor die volgende tien jaar in werking gestel word, sê African Parks, ’n bewaringsorganisasie agter die projek Rhino Rewild.
In September het African Parks, ’n organisasie sonder winsbejag wat deur skenkers soos die Europese Unie, USAID en onafhanklike internasionale stigtings gefinansier word, ’n renosterplaas van 7 800 ha gekoop. Dit is die grootste van sy soort ter wêreld en huisves 2 000 renosters.
“Dis ’n belangrike stap in die beveiliging van die witrenoster, wat ’n bedriegde spesie is en deur uitwissing in die gesig gestaar word,” sê Barbara Creecy, minister van Bosbou, Visserye en Omgewing.
Foto: African Parks
Die suksesvolle verplasing van die renosters na die Munywana-bewarea is moontlik gemaak deur African Parks, &Beyond Phinda, Conservation Solutions en WeWild Africa. Daar was ook finansiële ondersteuning van organisasies soos The Aspinall Foundation en The Wildlife Emergency Fund.
“Ons is dankbaar om hierdie 40 renosters te verwelkom om die bestaande bevolking van witrenosters by ons gemeenskapsbewarea te verbeter,” sê Thokozani Mlambo, voorsitter van die Makhasa Trust.
Foto: African Parks
“Die witrenoster as ’n spesie is onder baie druk weens stropery en habitatverlies, en het dus die behoefte aan goed beskermde gebiede sodat hulle kan floreer. Terwyl suidelike witrenosters in die 1930’s ’n algehele laagtepunt van 30 tot 40 diere bereik het, het doeltreffende bewaringsmaatreëls die bevolking tot ongeveer 20 000 teen 2012 verhoog,” sê Damian Aspinall, voorsitter van WeWild Africa.
“Die drastiese toename in stropery het egter die getalle tot ongeveer 16 000 verminder.”
OFM Nuus cg
