Baie mense besef nie noodwendig dat hul afsterwe ook belastingimplikasies kan hê nie. Daar is verskeie kostes en belastingaspekte waarvan ’n mens bewus moet wees, van testament- en eksekuteursuitgawes tot boedelbelasting en kapitaalwinsbelasting.

Geldenhuys gee ’n paar belangrike wenke oor dinge waaraan ’n mens moet dink en wat jy reeds gedurende jou leeftyd in plek kan kry. Behoorlike beplanning kan nie net jou eie sake in orde bring nie, maar kan ook help om te verseker dat jou nageslag nie later met onnodige finansiële en administratiewe uitdagings sit nie.

Hoewel dit dalk nie die maklikste gesprek is om te hê nie, is dit een wat belangrik is. Om vooraf jou testament, finansiële sake en ander belangrike dokumentasie behoorlik te reël, kan jou geliefdes baie onsekerheid en moeite spaar in 'n tyd wat emosioneel moeilik genoeg is.

Die boodskap is eenvoudig: Moenie wag totdat dit te laat is om jou sake in orde te kry nie. Deur vooruit te beplan en professionele advies in te win, kan jy groter gemoedsrus hê en terselfdertyd seker maak dat jou nageslag so goed moontlik na jou afsterwe versorg word.

sm