Afname in landbou huishoudings

Die afname in die aantal landbouhuishoudings is die gevolg van toenemende uitdagings waarmee die sektor te kampe het, soos stygende uitgawes en dalende winste.

’n Sensus wat in 2022 uitgevoer is, was daarop gemik om nuttige insigte oor landbouaktiwiteite op huishoudelike vlak te verskaf en beleidmakers toe te rus om landbou te optimaliseer as ’n drywer van voedselsekerheid, werkskepping en landelike ontwikkeling soos in die Nasionale Ontwikkelingsplan in die vooruitsig gestel.

Sindira Chetty, digitale redakteur van Farmer’s Weekly, sê die inligting wat ingesamel word, word ook gebruik om alle huishoudings wat by landbou betrokke is in die land te identifiseer om sodoende ’n raamwerk vir kleinboer- en bestaanslandbou te ontwikkel.

Volgens die syfers is 13,8% van alle huishoudings landbouhuishoudings, 'n aansienlike afname vanaf 19,9% in 2011.

Chetty voeg by dat die groot provinsies wat tot die afname bydra, KwaZulu-Natal, Oos-Kaap en Vrystaat is.

Limpopo het egter die Oos-Kaap verbygesteek. 

Die Noord- en Wes-Kaap het die laagste persentasie landbouhuishoudings in beide 2011 en 2022 gerapporteer.

VSA mark bly sterk potensiële mark vir sitrusuitvoer

Die sitrusmark in die VSA sal steeds winsgewend wees vir Suid-Afrikaanse produsente indien vervoer- en hawekwessies opgelos word.

Chetty deel dat tydens 'n bedryfsbesoek aan die sitrusmaatskappy Wonderful Citrus in Kalifornië, het Suid-Afrika se Sitruskwekersvereniging (CGA), 'n oorsig gedoen van die sitrusmark in daardie land en gebiede vir groei.

Oor die groei in die Kaliforniese sitrusbedryf het Zak Laffite, uitvoerende hoof van Wonderful Citrus, gesê dat die bedryf 'n nuwe fase betree het - wat in die verlede gewerk het, werk dalk nie nou nie.

Van 2010 tot 2019, sê Laffite, het hulle vinnige volumegroei, aanplantings en hoër produsentemarges gehad, aangesien kleinhandelwinste en groeiende verbruik gely het tot 'n punt waar vraag die aanbod oorskry, met bemarking wat verbruik aangedryf het.

Justin Chadwick, uitvoerende hoof van die CGA, het gesê as alle plaaslike rolspelers saamwerk, is projeksies dat 'n bykomende 100 000 000 15 kg-kartonne sitrus oor die volgende nege jaar van Suid-Afrikaanse boorde na hawens in die VSA kan beweeg.

OFM Nuus/Elsabé Richard-May