Staan opsy, modelle – sjimpansees by ’n Zambiese reservaat maak hul eie modestellings. 

Navorsers by die Chimfunshi Wildlife Orphanage Trust het onlangs ’n eienaardige nuwe tendens onder ’n groep sjimpansees waargeneem: om grassprietjies as bykomstighede in hul ore te steek. Dit het alles in Augustus 2023 begin toe die tendensvormer Juma ’n stukkie gras in sy oor gesteek het. 

Dit was nie lank voordat die res van die trop dit opgemerk het nie. Vyf uit die agt sjimpansees in sy groep het kort op sy hakke gevolg met dieselfde blaarryke voorkoms.

Dit nie die eerste keer dat hierdie tipe gedrag by die reservaat gesien is nie. In 2010 het ’n wyfiesjimpansee in ’n ander groep presies dieselfde tendens begin – en sewe ander het haar voorbeeld gevolg. Selfs nadat sy oorlede is, het haar grasmode-nalatenskap voortgeleef.

Wat wetenskaplikes fassineer, is dat die twee groepe nooit interaksie gehad het nie, wat beteken dat Juma nie ’n oorgeërfde gewoonte nageboots het nie, maar die tendens onafhanklik weer aangevuur het.

Volgens navorser Edwin van Leeuwen van die Universiteit van Utrecht is daar geen praktiese rede vir die oorgras nie – dit is nie om mee te krap of af te koel nie – maar dit kan wel sosiale betekenis hê. 

“Deur iemand se gedrag na te boots, wys jy dat jy hulle raaksien en dalk selfs van hulle hou,” verduidelik Van Leeuwen. Hierdie soort nabootsing help sjimpansees om bande te versterk en verhoudings te bou.

LEES OOK: Success is a statement: The She Means Business Get It Bloemfontein edition has arrived

Of dit nou oor vriendskap, aanvaarding of bloot net cool wees gaan, hierdie sjimpansees bewys dat mode, soos vriendskap, universeel is. 

Lees meer

OFM Nuus mvh