Die handelsmerk, Rat Oddity Gizzard, gebruik al jare lank opgestopte rotte om vreemde kunswerke te skep. Maar verlede jaar het een van die ontwerpers besluit om iets heeltemal anders te probeer.  

Sy het ’n opgestopte rot aan ’n stuk vroue-onderklere vasgewerk en dit aanlyn gedeel.  Die internet het natuurlik mal gegaan.

Die produk staan bekend as LingeRAT, en hoewel dit tegnies onderklere is, word dit eerder as ’n kunswerk beskou as iets wat jy werklik sou dra.  Sommige mense het wel glo gesê het hulle sal dit met graagte dra net om hul lewensmaats of vriende te skok.

Lees ook: Weird Wide Web: Eet-so-veel-jy-wil-restaurant stel nuwe bisarre beleid bekend

Baie mense het aanvanklik gedink dit is net ’n grap of ’n slim bemarkingsfoefie. Maar dit is heeltemal eg. As jy regtig jou klerekas onvergeetlik wil maak, kan jy ’n paar koop vir ongeveer R2 500. Nie juis goedkoop nie, veral as jy besef jy betaal ekstra vir ’n rot.

Die maatskappy sê die diere word verantwoordelik verkry en hulle is openlik oor waar die rotte vandaan kom, maar dit het nie die kontroversie gestop nie. Sommige mense dink dit is kreatief. Ander dink dit is bisar.

En ’n paar mense wonder waarskynlik steeds hoe iemand in ’n vergadering gesê het: “Weet julle wat kort hierdie onderklere? ’n Rot.”

Die vreemdste deel?

Die maatskappy versend wêreldwyd.

So êrens in die wêreld is daar waarskynlik op hierdie oomblik ’n opgestopte rot wat deur doeane gaan, as mode-artikel. 

Lees meer

sm