Please Note
Loopbaanvoorligting- en motiveringsprogram in NK aangebied─── JOSCA HUMAN 15:29 Thu, 24 Aug 2017
Die Suid-Afrikaanse Demokratiese Onderwysersunie (Sadou) bied vandag en môre 'n loopbaanvoorligting- en motiveringsprogram vir graad 11- en graad 12-leerlinge in Jon Taolo Gaetsewe-distrik in die Noord-Kaap aan.
Leerlinge word bygestaan in die voltooiing van universiteitsaansoeke en inligting oor loopbaangeleenthede word verskaf. Opsies rakende beurse en NSFAS-aansoeke word ook verskaf.
Woordvoerder van hierdie projek, Mugwena Maluleke, sê die doel van hierdie program is om leerlinge aan te moedig om ná skool verder te studeer.