HOËRSKOOL PRESIDENT STEYN SE JAARLIKSE MANNEAAND! |Maak jou reg vir ’n aand vol groot sport, groot vermaak en groot gees! Die Hoërskool President Steyn se Jaarlikse Manneaand het oor die afgelope drie jaar gegroei tot een van Bloemfontein en die Vrystaat se grootste sport- en korporatiewe geleenthede, met sowat 1 600 gaste van regoor Suid-Afrika. Verwag ’n aand propvol opwinding, met ons gewilde boksprogram, besonderse vermaak, uitstekende netwerkgeleenthede en eksklusiewe items en ervarings wat opgeveil word. Maar dit gaan oor meer as net ’n lekker aand! Die opbrengs van die geleentheid word aangewend om Hoërskool President Steyn en ons leerders se ontwikkeling en behoeftes te ondersteun. Van Suid-Afrika se grootste sportname was reeds deel van hierdie besondere aand – waaronder Dricus du Plessis, Rassie Erasmus en lede van die Springbok-bestuurspan. Vanjaar verwelkom ons Rassie Erasmus en verskeie Springbokspelers weer! So, bring jou vriende, kollegas en sakevennote en kom beleef ’n aand wat jy nie wil misloop nie! President Steyn Mansete – Groot Sport. Groot Gees. ’n Groter Doel! Hoërskool President Steyn – waar sport, gemeenskap en geleenthede saamkom!