Mielies:

Amerikaanse mielietermynkontrakte het laer in die oornagmarkte verhandel namate handelaars hul posisies finaliseer voor vandag se aanplantingsverslag van USDA, wat na verwagting hoër oppervlakte-voornemens van 2021 sal toon.

Die huidige vooruitsigte vir aanplantings en kwartaallikse graanvoorrade van USDA sal waarskynlik aan graanmarkte 'n skoot van wisselvalligheid gee, wat die afgelope paar weke ietwat ontbreek het.

Die plaaslike mieliemark het gister wisselvallig verhandel oor al die kontrakte wat vir wit- en geelmielies gelys is.

Die witmieliemark het vir lewering in Julie 2021 R35/ton laer verhandel vir die dag om teen R3 053/ton te sluit. Die geelmieliemark het vir lewering in Julie 2021 R31/ton laer verhandel om teen R3 182/ton te sluit.

Sojabone:

Gebrekkige uitvoerdata wat gister bekend gemaak is, 'n swak wêreldwye olie S&D syfers, en 'n uitbreiding van die oppervlakte wat in die USDA-verslae van vandag verwag word, het soja-termynkontrakte oornag laer gestuur.

Daar is toenemende kommer in die mark oor die gevolge wat die toenemende gevalle van Afrika-varkgriep in China op die potensiële wêreldwye soja-vraag het.

Die plaaslike sojaboonmark het gister ondersteuning verloor en swakker gesluit oor alle kontrakte wat tans gelys is.

Die plaaslike sojaboonmark het vir lewering in Mei 2021, R150/ton laer verhandel vir die dag om teen R7 361/ton te sluit.

Koring:

Ondanks 'n afswaai van die weeklikse toestande in verskeie top-koringproduserende state in die Amerikaanse vlakte, het koringtermynkontrakte oornag laer verhandel omdat die vooruitsigte van groot wêreldvoorraad en 'n stygende dollar die optimisme vir die graan gedemp het.

Argentinië kan vanjaar 'n hupstoot in koring- en garsproduksie sien, danksy bestendige reën die afgelope maand. Die gewasse sal waarskynlik nie tot Mei - Julie gesaai word nie, maar die verhoogde grondvogvlak die afgelope maand beloof goed vir oestoestande nadat 'n La Niña-weerpatroon mielies en sojaboonopbrengste die afgelope ses maande geteister het.

Die plaaslike koringmark het gister ondersteuning verloor en het oor alle kontrakte wat gelys is, swakker geëindig.

Die plaaslike koringmark het vir lewering in Julie 2021 R91/ton laer verhandel en gesluit teen R 4 967/ton.

OFM-nuus