Mielies: 

Die Amerikaanse mieliepryse is gisteroggend op koers met 'n styging van 1% -1,5%, want die droë weersomstandighede dui daarop dat die  grondvog in 2021 belemmer kan word. 

Die Chinese vraag en die stygende Brasiliaanse mielie-etanolproduksie het ook die mieliepryse oornag ondersteun. 

Die plaaslike mieliemark het hoofsaaklik ondersteuning gekry tydens gister se verhandelinge. 

Die witmielie-kontrakte vir lewering in Julie 2021 het R32/ton hoër beweeg en gesluit teen R3 177/ton vir die dag en geelmielie-kontrakte vir lewering in Julie 2021 het R33/ton hoër beweeg en gesluit teen R3 297/ton.

Sojabone: 

Amerikaanse sojaboonpryse het oornag die pryse van mielies hoër gevolg. 

Besorgdheid oor die aanplanting en plaaslike vraag na persingskapasiteit het die steun vir die oornag-prystoenames verleen.

Die plaaslike sojaboonpryse het onder druk gekom tydens gister se verhandelinge. Sojaboonpryse vir lewering in Mei het sywaarts verhandel en teen R7 115/ton gesluit.

Koring: 

Die Amerikaanse koringpryse het gisteroggend hoër beweeg omdat dalende oestoestande as gevolg van droogte in die VSA en die Europese Unie die opbrengspotensiaal op die 2021-oes wat tans uitkom, verminder het. 'n Swakker dollar het ook die winste ondersteun. 

Die komende weke word 'n droë periode in Europa voorspel, terwyl droë grondtoestande in die Amerikaanse Noordelike Vlakte steeds die wêreldwye opbrengspotensiaal beperk. 

Die plaaslike koringmark het goeie ondersteuning gekry tydens gister se verhandelinge. 

Koring vir lewering in Julie het R50/ton hoër gesluit teen R4 875/ton.

OFM-nuus