Sien onderstaande PODCAST

Heinrich Victor, bestuurder van spesiale dienste by OVK, sê wanneer dit alles in ag geneem word, het die plaaslike wolmark egter beter vertoon as die Australiese mark, wat 'n positiewe vooruitsig vir die nabye toekoms toon.

Hy deel verder dat die volume wol wat vandeesweek in die makelaars se pakhuise ontvang is, 2,9% laer is in vergelyking met die ooreenstemmende tydperk in die vorige seisoen. Luidens Victor het volhoubaar gesertifiseerde (RWS) goeie kwaliteit merinowol weer eens goeie aandag geniet op die veiling en tot gesonde kompetisie tussen kopers gelei.

Hy voeg by dat sertifisering ‘n belangrike aspek is en 'n toekomsneiging is wat gekom het om te bly. Skakel gerus met OVK om u by te staan in die sertifiseringsproses. Victor deel dat produsente kennis moet neem dat die laaste wol-inweegdatum van die seisoen op 12 Mei is - dit is vir katalogus CA34.

Die volgende wolveiling is geskeduleer vir 5 Mei 2021, waar sowat 4 672 bale aangebied sal word.

OFM-nuus