Chris van Beljon, stigter van Boere Droogtehulp SA NPC, sê skenkings sluit in kos, water en voer. 

Sien onderstaande PODCAST

Van Beljon sê skenkings sluit ook mielies in met Meadow Feeds, wat byna R300 000 se voer vir boere in hierdie droogtegeteisterde gebied geskenk het.

Die konvooi bestaan uit 25 trokke en 12 bakkies met sleepwaens – maar Van Beljon voeg egter by dat hulle tans net R5000 vir brandstof het en bly positief dat hulle fondse sal insamel vir meer brandstof.

Intussen deel hy dat Edward-John Hill, wat op die Oranjerivier vir liefdadigheid roei, weer terug in die water is nadat hy vroeër vandeesmaand alles moes stop.

OFM-nuus het vroeër berig dat Hill, wat op 1 April 2 200 km vanaf Lesotho tot Namibië op die Oranjerivier vir liefdadigheid begin roei het, by sy huis in Langebaan in die Wes-Kaap aansterk.

Dit volg nadat stormsterk winde daartoe gelei het dat hy sy kajak en toerusting verloor het.

OFM-nuus het vroeër berig dat hierdie besonderse uitdaging, in samewerking met Van Beljon se Bring Hoop-projek, is om fondse te werf vir, onder andere, boere wat onder erge droogte gebuk gaan.

Vir die bankbesonderhede en meer inligting besoek Boere Droogtehulp se Facebook-blad of die webtuiste: www.boeredroogtehulpsa.org. Om direk kontak met Van Beljon te maak, stuur 'n WhatsApp boodskap na 082 961 6620.

Volg Hill se rit hier: Kayak for Charity

OFM-nuus