Mielies:

Amerikaanse markte het oor die Nuwejaarsperiode gesluit. Met die opening van die markte vanoggend, het die naaste kontrakmaand van Amerikaanse mielietermynkontrakte teen 2% laer verhandel.

Die plaaslike mieliemark het oor die naweek marginaal gedaal. Beide wit- en geelmieliekontrakte het afwaarts verhandel in al die naaste kontrakmaande.

Die witmieliemark het vir lewering in Julie 2022, R3/ton (? 0,1%) laer verhandel en teen R3 517/ton gesluit. Die geelmieliemark het vir lewering in Julie 2022, R17/ton (? 0,5%) laer verhandel en teen R3 600/ton gesluit.

Sojabone:

Amerikaanse markte het oor die Nuwejaarsperiode gesluit. Met die opening van die markte vanoggend, het die naaste kontrakmaand van Amerikaanse sojaboontermynkontrakte teen 2% laer verhandel.

Die plaaslike sojaboonmark het oor die naweek swakker verhandel, met meeste van die naaste kontrakmaande wat tenmiste 0,2% laer verhandel het.

Die plaaslike sojaboonmark het vir lewering in Mei 2022 met R17/ton (? 0,2%) laer verhandel om uiteindelik te sluit op R7 832/ton.

Koring:

Amerikaanse markte het oor die Nuwejaarsperiode gesluit. Met die opening van die markte vanoggend, het die naaste kontrakmaand van Amerikaanse koringtermynkontrakte teen 1,8% geklim.

Die plaaslike koringmark het oor die naweek marginaal gedaal, met meeste van die naaste kontrakmaande wat 0,1% geval het.

Die plaaslike koringmark het vir lewering in Mei 2022 met R6/ton (? 0,1%) laer verhandel om uiteindelik te sluit op R6 160/ton.

OFM-nuus