Mielies:

Die Amerikaanse mieliekontrakprys vir die naaste kontrakmaand het vanoggend met 1,2% gedaal aangesien Amerikaanse handelaars by tegniese verkope en winsneming betrokke is. 

Amerikaanse etanolproduksie het 'n gemiddelde daaglikse toename gehad tot 1,048 miljoen vate per dag vir die week wat op 31 Desember eindig. Daaglikse etanolproduksie het 1 miljoen vate oorskry sedert Oktober 2021. In Argentinië is graanprodusente bekommerd oor volgehoue droë toestande aangesien die land se mielie-oes kritieke ontwikkelingstadiums bereik.

Die plaaslike mieliemark het vanoggend aansienlik sterker verhandel. Die witmieliemark het, vir lewering in Julie 2022, R46/ton (+ 1,3%) hoër verhandel en teen R3 633/ton gesluit. Die geelmieliemark het vir lewering in Julie 2022, R42/ton (+ 1,1%) hoër verhandel en teen R3 695/ton gesluit.

Sojaboon:

Die Amerikaanse sojaboonkontrakprys vir die naaste kontrakmaand het vanoggend met 0,4% geklim met beleggers wat wins geneem het te midde van druk van ongunstige Suid-Amerikaanse weer asook blits sojaboonverkope wat gister deur die USDA aangekondig is. 

Private uitvoerders het 'n verkoop van 133 355 ton sojabone aan die USDA aangemeld vir aflewering aan onbekende bestemmings gedurende die 2022/23 bemarkingseisoen wat op 1 September begin. 

Markdeelnemers wag op die USDA-sojaboonverkopeverslag wat namiddag vrygestel sal word. Ontleders verwag dat die USDA sojaboonverkope vir die week wat op 30 Desember eindig, sal wissel tussen 400 065 ton tot 1 349 880 ton.

Die plaaslike sojaboonmarkpryse is aansienlik sterker vanoggend. Die plaaslike sojaboonmark het vir lewering in Mei 2022 met R112/ton (+ 1,4%) hoër verhandel om uiteindelik te sluit op R8 112/ton.

Koring:

Die Amerikaanse koringkontrakprys vir die naaste kontrakmaand het vanoggend met 1,2% gedaal. 

Handelaars hou koringpryse fyn dop, aangesien die USDA oesinspeksieverslae verbrokkelende oestoestande in die belangrikste koringproduserende gebiede in Amerika aan die lig gebring het, maar Argentinië en Australië is gereed vir 'n groot oes hierdie seisoen. 

Markdeelnemers wag op die USDA-koringverkopeverslag wat namiddag vrygestel sal word. Ontleders verwag dat die USDA koringverkope sal rapporteer vir die week wat op 30 Desember eindig, tussen 149 684 ton en 449 052 ton sal wissel.

Die plaaslike koringpryse het gister skerp gestyg. Die plaaslike koringmark het vir lewering in Mei 2022 met R70/ton (+ 1,15%) hoër verhandel om uiteindelik te sluit op R6 180/ton.

OFM-nuus