Arts
‘Classical Icons’ word deur die Vrystaatse Simfonieorkes aangebied onder leiding van dirigent Gérard Korsten─── 09:00 Thu, 28 Aug 2025
In September het jy geleentheid om die Vrystaatse Simfonieorkes oor twee vertonings te sien optree. Pianis Ben Schoeman tree as solis op die 13de en 14de by die Odeion in Bloemfontein.
Hy sien vreeslik uit na die geleentheid en natuurlik om die verhoog met ‘n ikoon in sy eie reg, Gérard Korsten, te deel. Ben sluit by Yolanda Maartens aan in die OFM Kunsteklop en vertel ook van sy gunstelling item op die program.
Die Vrystaatse Simfonieorkes (FSSO) is trots om twee onvergeetlike uitvoerings aan te bied op Saterdag, 13 September 2025, om 19:30 en Sondag, 14 September 2025, om 16:00, met die internasionaal bekroonde dirigent Gérard Korsten en die gevierde Suid-Afrikaanse pianis Ben Schoeman.
Ben Schoeman. Photographer Zach Gerard Gérard Korsten
Gehore sal getrakteer word op 'n ryklik gevarieerde program wat elegansie, kleur en passie vermeng:
• Joseph Haydn – L’Isola disabitata (Ouverture)
• Maurice Ravel – Klavierconcerto in G majeur
• Felix Mendelssohn – Simfonie nr. 3 “Scottish”
Kaartjies is beskikbaar by Quicket.
Datum: 13 September 19:30
14 September 16:00
Volwassenes: R160 pp
Studente ouer as 18 jaar: R110 pp (Studente moet hul studentekaart by die deur toon)
Leerders jonger as 18 jaar: R60 pp
Vir navrae kontak gerus:
Luzanne Eigelaar
051 401 2342
FSSO@ufs.ac.za
