Die program kombineer bekende werke van Beethoven en Sjostakowitsj, met twee nuwe Suid-Afrikaanse komposisies wat erkenning ontvang het in die 7de Stefans Grové IIA Nasionale Komposisiekompetisie.

Een van die hoogtepunte is die wêreldpremière van The Exhibition deur Chesney Palmer, wenner van die kompetisie se eerste prys. Die werk is geïnspireer deur die abstrakte kunswerk van Cathy Collins en verken die verband tussen kleur en klank. 

Palmer vertaal die kunswerk se kleure, teksture en verskillende kwashale na musiek. Die program sluit ook ’n nuwe strykkwartet deur naaswenner Nicholas Smit in, saam met Beethoven se Strykkwartet in G majeur, Op. 18 No. 2 en Sjostakowitsj se emosioneel kragtige Strykkwartet No. 7.

Die Odeion-strykkwartet bestaan uit Samantha Durrant, Sharon de Kock, Jeanne-Louise Moolman en Anmari van der Westhuizen. 

Skoolgaande kinders in skooldrag kan die konsert gratis bywoon. Kaartjies is ook beskikbaar vir volwassenes, pensioentrekkers en studente/leerders. Die kwartet bring gevestigde klassieke meesterwerke en opwindende nuwe Suid-Afrikaanse musiek op een verhoog bymekaar.

sm