Babbelgum vir die Siel
Kondensmelk Melkkos─── 08:22 Sat, 21 Jul 2012
1 blik kondensmelk
4 blikkies water
(bring tot kookpunt)
1 koppie mielieblom (Maizena)
1 ½ koppie melk
(meng tot pasta)
Voeg by kondensmelk melk
(kook stadig)
4 dik snye witbrood sonder korsies. Breek dit in stukkies in die melkkos. Voeg by:
2 eetlepels botter
Knippie sout
Roer stadig en kook stadig vir 5 minute. Strooi slegs kaneel oor, behalwe as jy ‘n erge soettand het.
Nog ‘n resep vir Kondensmelk Melkkos
1 blik kondensmelk
2 koppies water
1 liter melk
1 koppie koekmeel
125 ml botter
Bietjie sout
Meng die kondensmelk, water en melk saam in 'n kastrol.
Jy kan suiker byvoeg as dit nie soet genoeg is nie.
Vryf die botter in die koekmeel in, sodat dit soos krummels lyk.
Voeg die sout by.
Wanneer die melk mengsel warm is, word die meelmengsel bygevoeg, en geroer totdat alles saam kook en dik geword het.
Bedien warm met kaneelsuiker.
