Die bekendstelling vind vanoggend om 9-uur plaas in die Mittah Seperepere-konferensiesentrum in Kimberley, Noord-Kaap. Die gekose tema dien as ‘n beroep op die publiek om die planeet te beskerm. Daar word verwag dat meer as 2000 leerders van verskillende skole in die Noord-Kaap vandag die bekendstelling sal bywoon, waar meer as 100 uitstallings die werklikheid sal toon van hoe klimaatsverandering die planeet beïnvloed. 

Tydens Nasionale Wetenskapweek, wat vanaf vandag tot 3 Augustus sal duur, sal soortgelyke aktiwiteite regoor Suid-Afrika plaasvind. Die bekendstelling van hierdie jaar is in vennootskap met die Noord-Kaapse Department van Basiese Onderwys, die Suid-Afrikaanse agentskap vir bevordering van wetenskap en tegnologie en die Universiteit van Sol Plaatje.

OFM-nuus/Elsabé Richard