Die verdagte, wat as Sello Moeti bekend staan, bly in aanhouding. Moeti staan tereg op ‘n aanklag van moord en diefstal nadat dit aan polisie bekend gemaak is dat hy Miemie Frost Saterdagoggend na bewering met 'n stomp voorwerp oor die kop geslaan het. Polisiewoordvoerder, Puleng Lebakeng, het aan OFM-nuus bevestig dat die verdagte 'n voormalige werknemer is op die plaas waar die oorledene alleen gewoon het. Lebakeng het bygevoeg dat 'n lid van die gemeenskap die polisie gewaarsku het toe hulle sien dat die verdagte petrol in die oorledene se voertuig gooi.

OFM-nuus/Elsabé Richard