Central SA
Ritchie tot stilstand geruk─── 09:52 Tue, 10 Sep 2019
Inwoners van Ritchie in die Noord-Kaap het paaie wat in en uit die dorp lei, met klippe en brandende bande versper.
Inwoners is na bewering ongelukkig met subkontrakteurs wat vir 'n padprojek aangestel is. Hulle dreig na bewering om openbare geboue sowel as raadslede se huise te vernietig. Hulle dring glo daarop aan dat die provinsie se premier, Zamani Saul, die gemeenskap toespreek. Die polisie is op die toneel en monitor die situasie. OFM-nuus sal verslag doen oor enige verwikkelings.
OFM-nuus/Elsabé Richard
