Hy staan tereg op vyf aanklagte van onder meer moord, poging tot moord, diefstal van 'n vuurwapen, aanranding asook die afvuur van 'n vuurwapen in 'n munisipale gebied. 

Solomons het vandag sy aansoek om borgtog laat vaar. 

Die verdagte het glo sy vrou Sondag-oggend omstreeks 01:00 vyf keer met 'n vuurwapen geskiet. 

Hy het homself ná die voorval aan die polisie oorhandig. 

Die saak is tot 19 Desember vir verdere ondersoek uitgestel.

OFM-nuus/Roderick Titus