OFM-nuus het vroeër berig dat die ANC en opposisiepartye hulle sterk uitgespreek het oor die uitdeel van kospakkies wat bedoel is om kosnood tydens die nasionale inperking te verlig. 

Bewerings oor die misbruik van die proses deur raadslede het die rondte begin doen op sosiale media. Raadslede word daarvan beskuldig dat hulle dié pakkies aan familie en vriende uitdeel. 

Brigadier Johhny Besnaar sê volgens die jongste beweringe teen die Dawid Kruiper-raadslid het die polisie by sy huis op kospakkies beslag gelê. 

Hy sê hierdie is vals inligting en gaan onnodige spanning onder die gemeenskap veroorsaak. Die verspreiding van vals inligting is ‘n kriminele misdryf in terme van die inperkingsmaatreëls. 

Intussen het die uitvoerende burgermeester, Micheal Segedi, die verspreiding van vals inligting sterk veroordeel en gevra dat inwoners verantwoordelik optree.

OFM-nuus/Roderick Titus