Die grootste trekpleister is die Gariepdam in sy volle glorie ná swaar reën die afgelope twee maande in sentraal Suid-Afrika. 

OFM-nuus het met verskeie gastehuis-eienaars gepraat wat aangedui het dat hulle volbespreek is. 

Hulle sê baie gaste het aangedui dat hulle verskeie damme gaan besoek. 

Die Augrabies-watervalle, buite Upington in die Noord-Kaap, is ook bo-aan die lys. 

Videos op sosiale media wys dat die valle weer eens sy naam - wat beteken plek van geraas - gestand doen. 

Besoekersgetalle gaan na verwagting eers later vandeesweek bekend wees.

OFM-nuus