Central SA
Rietfontein-inwoners raadop met waterprobleme─── 06:21 Fri, 12 Mar 2021
Inwoners van Rietfontein en selfs aangrensende dorpe in die ZF Mcgawu-streek se Dawid Kruiper-munisipaliteit is raadop met die onvermoë van die munisipaliteit om 'n werkbare oplossing vir hulle waterprobleme te vind.
Gert Roman van Rietfontein sê waterprobleme is 'n gereelde verskynsel - veral in nuwe uitbreidings.
Inwoners van die Skielik-woonbuurt in Upington, sowel as inwoners in die Namakwa- in die Nama Khoi-munisipaliteit, staar dieselfde uitdagings in die gesig.
Die Departement van Water en Sanitasie se Amogelang Moholoeng sê intussen dat watervoorsiening in sommige streke 'n uitdaging begin word weens watersuiweringsaanlegte wat in verskeie dorpe probleme gee.
Hy sê die departement werk hard daaraan om oplossings te vind.
OFM-nuus/Roderick Titus
