Central SA
Voorsitter van Nasionale Huis van Tradisionele Khoi- en San-leiers sterf─── 08:37 Sun, 18 Jul 2021
Die voorsitter van die Nasionale Huis van Tradisionele Khoi- en San-leiers, Ikosi Sipho Etwell Mahlangu, is Vrydag skielik oorlede.
Die Departement van Samewerkende Regering, Menslike Nedersettings en Tradisionele Sake in die Noord-Kaap, sowel as die Nasionale Huis vir Tradisionele Khoi- en San-leiers, insluitend die plaaslike leier Stanley Peterson, het sy heengaan betreur.
Die Huis sê dat die leemte wat deur sy afsterwe gelaat word, lank nog gevoel sal word.
Die Kantoor van die LUR vir Samewerkende Regering, Menslike Nedersettings en Tradisionele Sake - Bentley Vass - het Mahlangu se familie sowel as die Khoi- en San-mense van Suid-Afrika alle sterkte toegewens met die verlies.
OFM-nuus/Roderick Titus
