Central SA
Twee vas vir beweerde korrupsie en regsverydeling─── 10:44 Sat, 11 Sep 2021
‘n 41-jarige voormalige misdaadintelligensie-lid en 32-jarige beweerde dwelmhandelaar is deur die Noord-Kaapse Valke in hegtenis geneem vir beweerde korupsie en regsverydeling.
Volgens Valke-woordvoerder, Nomthandazo Mnisi, is die twee in hegtenis geneem ná ‘n operasie in April vanjaar waar agt verdagtes vir dwelmhandel in hegtenis geneem is.
Die ondersoekspan het bevind dat die misdaadintelligensie-lid inligting aan een van die verdagtes gelek het rakende ‘n beplande operasie.
Die intelligensie-lid is gister op R1 500 borgtog vrygelaat terwyl die beweerde dwelmhandelaar in aanhouding sal bly tot en met albei weer Woensdag 15 September in die Kimberley landdroshof verskyn.
OFM-nuus/Roderick Titus
