Die organisasie is sedert vroeg vanoggend besig en het reeds gevra vir hulpverlening met lugvervoer om beseerde diere in die veld op te spoor en te help.

Die Departement van Landbou Grondhervorming en Landelike Ontwikkeling is ook tans besig met die verskaf van noodvoer aan geafekteerde gebiede waar Infrastruktuur beskadig en weiveld vernietig is.

Die Dierebeskermingsvereniging waarsku ook inwoners in die geafekteerde gebiede om versigtig in die omgewing te bestuur, en om op die uitkyk te wees vir verskrikte diere.

Intussen sê die Suid-Afrikaanse Weerdiens se Wayne Venter namate temperature styg, word reën vir dele van die Vrystaat en Noordwes voorspel.

Hy sê die sneller reaksie as gevolg van die warm weer is gunstig, omdat dit die lug vogtig maak.

Venter sê die oostelike dele van die Vrystaat en Noordwes kan van Donderdag af reën verwag, terwyl die res van die binneland teen die naweek ook reën kan verwag.

Hy voeg by die voorspelling vir die Noord-Kaap dui egter op sterk winde van Vrydag af, wat die kanse op verdere veldbrande in die gebied verhoog.

OFM-nuus/Roderick Titus