Die jong vrou, Lizbeth Makaloi, is oorlede kort nadat sy geboorte geskenk het in die Professor ZK Matthews-hospitaal in Barkly-Wes.

Departementele woordvoerder Lulu Mxekezo sê ‘n span gespesialiseerde kundiges ondersoek die aangeleentheid, en dat die bevinding dienooreenkomstig hanteer sal word.

Die oorledene se familie beskuldig die Departement en hospitaal daarvan dat hulle nie Makaloi behoorlik van mediese sorg voorsien het nie.

‘n Babadogter is gebore en in die familie se sorg gelaat. Die departement het intussen hulle medelye aan die familie oorgedra.

OFM-nuus/Roderick Titus